តោះទៅមើលរាសីឆ្នាំទាំងដប់ពីរដូចតទៅ៖
ឆ្នាំជូត រាសីស្រុតចុះ។ នៅថ្ងៃនេះមានរឿងរាវចូលអុកឡុកយាយីបន្តិចហើយពិសេសការប្រកបការងារក៏តែងរាំងស្ទះនិងរឿងរាវយាយីផង។សម្រាប់អ្នកប្រកបរបររកស៊ីជួញដូរវិញជួបលើបញ្ហាប្រទាំងប្រទើសច្រើនហើយផលកម្រៃទៀតសោតក៏ហូរចូលដោយតានតឹង។ការធ្វើដំណើរឆ្ងាយជិតជួបភាពរកាំចិត្តច្រើនពិសេសឱ្យប្រយ័ត្នក្រុមមនុស្សបៀតបៀនដោយប្រការណាមួយ។ រីឯបញ្ហាសម្ព័ន្ធស្នេហាកំលោះក្រមុំកុំចូលចិត្តលេងម៉េះម៉ោះច្រើនប្រយ័ត្នកើតជម្លោះវិវាទមានតែរឿងសៅហ្មង ៕
ឆ្នាំឆ្លូវ រាសីខ្ពស់ត្រដែត។ លោកអ្នកកើតឆ្នាំគោនៅពេលឆ្លងផុតចូលឆ្នាំចិនទៅដំណើរជីវិតមិនល្អប្រសើរទេពីព្រោះថាឆ្លងចូលដួងរាសីឆ្នាំមិនល្អឬជាឆ្នាំឆុងផងហេតុនេះធ្វើឱ្យដំណើរជីវិតជួបនូវផ្លូវរដិបរដុបច្រើនបន្តិច។ដោយឡែកសម្រាប់ថ្ងៃនេះវិញមានជោគសិរីគួរសមហេតុនេះ បើចង់ប្រកបការងារអ្វីឃើញថាមានការលូតលាស់ និងហុចផលមកវិញគ្រាន់កក់ក្តៅផង។អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់រស់រវើក ឯបើលោកអ្នកចង់រើទីកន្លែងលក់ដូរក៏ជាឱកាសល្អប្រពៃ។ចំណែកសម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងផ្អែមល្ហែមល្អប្រពៃ៕
ឆ្នាំខាល រាសីល្អជាមធ្យម។ នៅអំឡុងពេលនេះដួងរាសីរបស់លោកអ្នកមានត្រឹមកម្រិតមធ្យមនិងឱ្យប្រយ័ត្នបញ្ហាសុខភាពយាយីបន្តិច។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញទោះលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចផ្លែផ្កាមកវិញគ្រាន់ជាទីកក់ក្តៅផងដែរ។ការធ្វើដំណើររឆ្ងាយជិតមិនសូវមានសុវត្តិភាពប៉ុន្មានឡើយគប្បីប្រយ័ត្នប្រយែងបន្តិចទើបប្រសើរ។ រីឯបញ្ហាសេចក្តីស្នេហាប្រុសស្រីមានភាពសោះកក្រោះបន្តិចព្រោះតែម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំថោះ រាសីស្រុតចុះ។ នៅថ្ងៃនេះបើលោកអ្នកមានសម្រេចចិត្តអ្វីឃើញថាតែងភ្លាំងភ្លាត់នោះខ្ពស់គឺប្រមាណ៧០ទៅ៨០ភាគរយហើយហេតុនេះគប្បីប្រយ័ត្នប្រយែងបន្តិចទើបប្រសើរ។អ្នកប្រកបរបររកស៊ីជួញដូរវិញមានការលូតលាស់តិចតួចពិសេសងាយកើតរឿងរាវចម្រូងចម្រាសជាមួយអ្នកដទៃផងគប្បីប្រយ័ត្នប្រយែង។ការធ្វើដំណើរឆ្ងាយជិតមិនសូវសុខដុមប៉ុន្មានទេគឺជារឿយៗតែងមានក្រុមមនុស្សយាយីច្រើនជាងសព្វមួយដង ។ រីឯបញ្ហាសម្ព័ន្ធស្នេហាកំលោះក្រមុំមានការប្រឆាំងនិងបង្កបញ្ហាចំពោះគ្នាឥតស្រួលចិត្តប៉ុន្មានទេ ៕
ឆ្នាំរោង រាសីខ្ពស់ត្រដែត។ ថ្ងៃនេះលោកអ្នកអាចធ្វើការជ្រើសរើសរឿងសំខាន់ក្នុងការប្រកបការងារអ្វីមួយបានហើយពីព្រោះថាផលល្អតែងរង់ចាំផង។ រីឯបញ្ហាសេចក្តីស្នេហាកំលោះក្រមុំតែងជួបនូវក្តីល្អប្រសើរជាងមុននិងពិសេសបើមានជម្លោះវិវាទអាចដោះស្រាយចេញទៀតផង៕
ឆ្នាំម្សាញ់ រាសីខ្ពស់ត្រដែត។ នៅពេលនេះបើមានកិច្ចការតូចធំលោកអ្នកអាចសម្រុកពេញទីបានហើយពីព្រោះថាផលតែងហុចមកវិញច្រើនផង។ដោយឡែកនៅថ្ងៃនេះវិញអ្នកប្រកបរបររកស៊ីជួញដូរការរកប្រាក់ចំណូលមានហូរចូលគ្រាន់គួរជាទីកក់ក្តៅផងដែរហើយបើចង់ជួញផ្លូវឆ្ងាយផងជាការប្រសើរដោយលោកអ្នកអាចកើបផលចំណូលត្រឡប់មកវិញយ៉ាងត្រជាក់ចិត្ត។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាស្នេហាប្រុសស្រីមានភាពចម្រើនលូតលាស់ទៅមុខហើយបើជាស្នេហាថ្មីថ្មោងផងតែងបានទទួលក្តីសង្ឃឹមពីគ្នាយ៉ាងកក់ក្តៅ៕
ឆ្នាំមមី រាសីស្រុតចុះ។ អ្នកកើតឆ្នាំសេះលោកអ្នកអាចបំពេញកិច្ចការងារសំខាន់ៗបាននៅក្នុងសប្តាហ៍នេះមិនថាជាកិច្ចការបណ្តាក់ទុន ការលេងហ៊ុន ការធ្វើដំណើរ ឬការទំនាក់ទំនងកិច្ចការអ្វីមួយផង។សម្រាប់ថ្ងៃនេះវិញដោយសារដំណើរជីវិតមិនល្អ ប្រសើរហេតុនេះលោកអ្នកជួបនូវអារម្មណ៍តប់ប្រម៉ល់និងទោះប្រកបកិច្ចការអ្វីមានការខកបំណងយាយីច្រើន។អ្នកប្រកបរបររកស៊ីជួញដូរពេលនេះមានការហូរចេញនិងហូរចូលមិនទៀងទាត់ដូច្នេះមិនគួរផ្សងព្រេងទៅបោះទុនរកស៊ីធំដុំនិងយកទៅលេងល្បែងស៊ីសងទ្បើយនាំជាប់ការកុនខ្លួន។ រីឯបញ្ហាសម្ព័ន្ធស្នេហាកំលោះក្រមុំ បើចង់យកនរណាម្នាក់ជាគូគាប់ត្រូវចេះពិនិត្យពិច័យឱ្យបានច្បាស់លាស់បន្តិចទើបគ្មានពាក្យថាកម្មក្រាសទៅគ្រាខាងមុខ៕
ឆ្នាំមមែ រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបយាយីបន្តិចហើយទោះបីធ្វើអ្វីក៏ដោយតែងជួបបញ្ហារកាំចិត្តច្រើន។ចំពោះអ្នកប្រកបរបររកស៊ីជួញដូរដោយសារយីអ៊ុនកំពុងដាក់ស្រាប់ម្ល៉ោះហើយធ្វើឱ្យមានក្រុមមនុស្សតាមឈ្នានីសនិងព្យាបាទយាយីច្រើនដូច្នេះត្រូវរក្សាភាពស្ងប់ស្ងាត់ទើបចៀសផុតពីជម្លោះវិវាទទាំងពួងទៅរួច។ការធ្វើដំណើរទៅទិសបស្ចឹមគប្បីមានការប្រយ័ត្នប្រយែងពីព្រោះងាយជួបរឿងរាវយាយីច្រើនបន្តិច។ រីឯសម្ព័ន្ធស្នេហាកំលោះក្រមុំកុំគប្បីឈ្លក់នឹងល្បែងកាមគុណឱ្យសោះប្រយ័ត្នរែកពន់ភាពទុក្ខសោកនៅពេលក្រោយហើយមកដេកសោកស្តាយ៕
ឆ្នាំវក រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកមានភាពគាប់ប្រសើរគួរសមហើយបើទោះបីធ្វើអ្វីក៏តែងមានការរីកលូតលាស់សន្សឹមៗទៅមុខជានិច្ច។ប៉ុន្តែទោះបីយ៉ាងណាការប្រកបការងារថ្ងៃនេះលោកអ្នកគប្បីមានការព្យាយាមអត់ធ្មត់បន្តិចពីព្រោះថាផលអាក្រក់នោះងាយកើតមានផង។ចំពោះអ្នកប្រកបរបររកស៊ីជួញដូរវិញឱ្យប្រយ័ត្នពាក្យសម្តីបន្តិចព្រោះងាយប៉ះទង្គិចជាមួយមនុស្សនៅជុំវិញខ្លួនណាស់។ រីឯបញ្ហាស្នេហាប្រុសស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការមិនមាត់ការរកគ្នាច្រើនថ្ងៃ៕
ឆ្នាំរកា រាសីខ្ពស់ត្រដែត។ នៅថ្ងៃនេះបើលោកអ្នកធ្វើអ្វីក៏តែងមានការចម្រើនលូតលាស់និងទទួលជោគជ័យត្រឡប់មកវិញគ្រាន់កក់ក្តៅផ្លូវចិត្ត។អ្នកប្រកបរបររកស៊ីជួញដូរពេលនេះលោកអ្នកត្រូវរែកពន់ភាពលំបាកលំបិនមិនតិចដែរទេព្រោះតែចំណូលតិចឯការចំណាយវិញគ្រប់សារពើ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាស្នេហាប្រុសស្រីកុំគប្បីមានចិត្តស្រាលផ្ទុកតែកំហឹងក្នុងខ្លួននាំកើតតែរឿងរាវឥតមានធូរស្បើយ៕
ឆ្នាំច រាសីស្រុតចុះ។ នៅថ្ងៃនេះឱ្យលោកអ្នកប្រយ័ត្នក្នុងការដំណើរការងារឬសម្រេចចិត្តធ្វើអ្វីមួយពីព្រោះថាផលអាក្រក់ងាយឆ្លើយតបមកវិញផង។សម្រាប់អ្នកប្រកបរបររកស៊ីជួញដូរកុំគប្បីលោភលន់ទិញរបស់របរទុកច្រើនពេកឡើយព្រោះផ្លែផ្កាហុចមកវិញមិនដូចជាទីគាប់ចិត្តទេ។ការធ្វើដំណើរទីជិតឆ្ងាយបើទោះបីថាមិនមានអ្វីបង្កការអុកឡុកយាយីក្តីតែក៏មានភាពទុក្ខព្រួយបារម្ភច្រើន។ ចំណែកបញ្ហាស្នេហាកំលោះក្រមុំមានកាប្រែប្រួលប្តូរផ្លាស់ព្រោះជួនត្រូវរ៉ូវជួនពាក់មុខយក្សដាក់គ្នា ៕
ឆ្នាំកុរ រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកមិនមានអ្វីជាឧបសគ្គធំដុំចូលមកយាយីនាំជួបផលលំបាកប៉ុន្មានទេ។ក្រៅពីនេះបើលោកអ្នកមានប្រកបការងារអ្វីមិនត្រូវមើលស្រាលក្រុមមនុស្សឡើយត្រូវតែប្រុងប្រយ័ត្នជានិច្ចពីព្រោះគេចាំមើលតែលោកអ្នកចន្លោះប្រហោងដើម្បីវាយប្រហារប៉ុណ្ណោះ។ចំណែកអ្នកប្រកបរបររកស៊ីជួញដូរការរកផលចំណូលជួបភាពតានតឹងហើយទាល់តែខិតខំខ្លាំងទើបអាចរកផលកម្រៃគ្រាន់កក់ក្តៅទៅរួច។ បញ្ហាសម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទគួរប្រយ័ត្នប្រយែងពាក្សសម្តីបន្តិចទើបជាការប្រពៃបំផុត៕
សូមបារមីវត្តុ សក្ត័សិទ្ធិ តាមថែរក្សាអស់លោក លោកស្រី អ្នកនាងកញ្ញា អោយសម្រេចតាមបំណង ប៉ងប្រាថ្នា លុយកាកហូរចូលដូចទឹក មានរាសីខ្ពស់ត្រដែត និងអាចមានលាភសំណាង ទ្រព្យមករកដល់ផ្ទះតែម្ដង បើមានសត្រូវអោយក្លាយជាមិត្ត ស្នេហាកាន់តែស្អិតរមួត ផ្អែមល្ហែម ការធ្វីដំណើរទីជិតឆ្ងាយ សូមជួបតែក្ដីសុខ និងជូនពរ អាយុ វណ្ណៈ សុខៈ ពលៈ គម្បីឃ្លាងឃ្លាតឡើយ....សាធុ សាធុ សាធុ....
កែសម្រួលដោយ៖ ចែករំលែក
0 comments:
Post a Comment